रुकुमपूर्वकाे सिस्ने गाउँपालिका–२, नाईगाडमा सोमबार साँझ एक व्यक्तिले मादक पदार्थ सेवन गरी आफ्नै घरगोठमा आगो लगाएका छन्।
चाउरे दमाईका छोरा ३१ वर्षीय हिरालाल दमाईले राति ८:४५ बजेको समयमा आफ्नै गोठमा आगो लगाएका हुन्। आगलागी भएको खबर पाएलगत्तै इलाका प्रहरी कार्यालय प्वाङ र स्थानीय छिमेकीहरूले तत्काल उद्धार कार्य अघि बढाएका जिल्ला प्रहरी कार्यालय रुकुमपूर्वका सूचना अधिकारी हिमबहादुर केसीले अन्वेषण खबरलाई जानकारी दिनुभयाे।
केसीका अनुसार पशुचौपायाहरूलाई सुरक्षित रूपमा बाहिर निकाल्न सफल भए पनि घरगोठ र भित्र रहेका सम्पूर्ण सरसामान जलेर नष्ट भएको बताउनुभयो । गाेठमा लागेकाे आगो राति १०:३० बजेसम्ममा पूर्ण रूपमा नियन्त्रणमा ल्याइएको उहाँले बताउनुभयो ।
मानवीय र पुश चौपायाकाे क्षति नभए पनि आगलागीले ठूलो भौतिक क्षति पुर्याएको छ। आगो लगाउने हिरालाल दमाईलाई प्रहरीले नियन्त्रणमा लिई आवश्यक अनुसन्धान गरिरहेको प्रहरीले जानकारी दिएको छ।
प्रतिक्रिया दिनुहोस्