Screenshot
भाद्र २१,रुकुमपूर्व । रुकुमपूर्वको पुथा उत्तरगंगा गाउँपालिका–६ मयाङमा मयाङ खोलामा आएको बाढीमा परी दुई जना बेपत्ता भएका छन् ।
बेपत्ता हुनेमा स्थानीय तीर्थराम शाही र बुदिराज सेन रहेको स्थानीयले राज सेनले जानकारी दिए ।
लगातारको वर्षापछि मयाङ खोलामा पानीको बहाव बढेको थियो । सोही क्रममा उनीहरूलाई खोलाले बगाएको सेनले भने ।
घटनापछि स्थानीयवासीले तत्काल खोजी सुरु गरेका छन् । तर खोलामा पानीको बहाव तीव्र रहेकाले खोजी तथा उद्धारमा कठिनाइ भइरहेको छ ।
दुर्गम भूगोल र कमजोर सञ्चार सम्पर्कका कारण घटनास्थलबाट तत्काल विस्तृत सूचना संकलन गर्नसमेत कठिनाइ भएको सेन भने ।
प्रकाशित मिति : २०८३ भाद्र २१ गते आइतवार
प्रतिक्रिया दिनुहोस्