समाचार सारांश
- लु १ च ६०२९ नम्बरको जीप सानीभेरी–३ र ६ को सिमाना डाङडुगेमा दुर्घटना भएको हो।
- जीपमा ११ जना सवार रहेको प्रहरीले जनाएको छ ।
- प्रमुख जिल्ला अधिकारी निशानराज गौतमका अनुसार प्रशासनले घाइतेको उद्धारका लागि नेपाली सेनासँग समन्वय गरिरहेको बताए ।
रुकुम पश्चिमा यात्रुवाहक जीप दुर्घटना हुँदा दुई जनाको घटनास्थलमै मृत्यु भएको छ । दुर्घटनामा चार जना गम्भीर घाइते भएका छन् ।
आइतबार बिहान सानीभेरी गाउँपालिका–६ कोटगाउँबाट गाउँपालिकाको केन्द्र हुँदै जिल्ला सदरमुकाम खलंगातर्फ आउँदै गरेको लु १ च ६०२९ नम्बरको जीप सानीभेरी–३ र ६ को सिमाना डाङडुगेमा दुर्घटना भएको हो ।
जिल्ला प्रहरी कार्यालय रुकुम पश्चिमका प्रमुख प्रहरी नायब उपरीक्षक बेदबहादुर पौडेलका अनुसार दुर्घटनामा दुई जनाको घटनास्थलमै मृत्यु भएको छ । जीपमा ११ जना सवार रहेको प्रहरीले जनाएको छ ।
दुर्घटनामा घाइतेमध्ये चार जनाको अवस्था गम्भीर रहेको छ । गम्भीर घाइतेको तत्काल उद्धारका लागि सानीभेरी गाउँपालिकाले हेलिकोप्टरको व्यवस्था गरिदिन जिल्ला प्रशासन कार्यालयलाई पत्राचार गरेको छ ।
प्रमुख जिल्ला अधिकारी निशानराज गौतमका अनुसार प्रशासनले घाइतेको उद्धारका लागि नेपाली सेनासँग समन्वय गरिरहेको छ । दुर्घटनाको थप विवरण आउन बाँकी रहेको प्रहरीले जनाएको छ ।
प्रतिक्रिया दिनुहोस्