सिस्ने गाउँपालिका–२ मा पर्ने लैपा हुँदै सागबारी लेक जाने पैदल मार्ग आइतबार स्थानीय श्रमदानमा मर्मत गरिएको छ। मैनेरी सामुदायिक वन उपभोक्ता समूहको अगुवाइमा करिब १ सय मिटर लामो भत्किएको खण्ड पुनर्निर्माणपछि दुई घण्टाको यात्रा सुरक्षित र सहज बनेको हो।
समितिका अध्यक्ष हस्तबहादुर खड्काका अनुसार मर्मत कार्यमा स्थानीयवासीको श्रमदान गरेकाे बताउनुभयो ।उहाँले वन, जङ्गल र जडिबुटी जोगाउँदै विकासमा हातेमालो गर्ने अभियान रहेकाे जानकारी दिनुभयो ।
पहिलेको बिग्रिएको बाटो भएर जोखिम मोलेर हिँड्नुपर्ने अवस्थालाई स्मरण गर्दै मर्मत गरिएककाे स्थानीयले बताएका छन्।
सागबारी लेक क्षेत्र प्राकृतिक सौन्दर्य, दुर्लभ जडिबुटी र विशाल घाँसे मैदानका लागि परिचित स्थल हो। बाटो मर्मतपछि आन्तरिक पर्यटक र वनजन्य स्रोत संकलनकर्तालाई आवतजावतमा सहज हुने अपेक्षा गरिएको छ।
प्रकाशित मिति : २०८२ जेष्ठ ४ गते आइतवार
प्रतिक्रिया दिनुहोस्