तपाईंको दशैं कस्ताे रह्याे ?

चन्द्र रसाइली, समाजसेवी तथा युवा नेता

यस वर्षको दशैं मेरो गाउँ समाजका लागि अत्यन्त विशेष रह्यो।बालबालिका देखि बृद्धवृद्धासम्म सबैसँग भेटघाट गर्ने अवसर मिल्यो। गाउँका गल्ली, ढोका, आँगनमा एकअर्कालाई दशैंको शुभकामना दिनुका साथै आपसी स्नेह र आत्मीयता प्रकट गर्‍यौं।

मध्यपहाडी लोकमार्गमा अवरुद्ध सडकले आवतजावतमा समस्या ल्याएको समयमा विभिन्न सरकारी र गैरसरकारी निकायसँग समन्वय गर्दै सडक सुचारु गर्न पहल गर्नुपर्‍यो। राहत र व्यवस्थापनका काममा सक्रिय रहनु आवश्यक रह्यो। यसले मलाई  सिकायो कि संकटको समयमा समाजले मिलेर काम गर्नु अति महत्वपूर्ण रहेछ ।

पर्वको वास्तविक महत्व केवल नयाँ कपडा, मिठाइ वा भेटघाटमा सीमित छैन। यो हामीलाई पारिवारिक एकता, आपसी सद्भाव र सामाजिक जिम्मेवारीको अनुभूति गराउने अवसर पनि हो। गाउँका बृद्धवृद्धा, आमाबुबा, बालबालिका र युवा सँगको संवादले देखायो कि हाम्रो सांस्कृतिक र सामाजिक धरोहरको संरक्षण र प्रवर्द्धन हाम्रो साझा दायित्व हो।दशैंले हामीलाई सम्झाउँछ कि प्रेम, सम्मान, जिम्मेवारी र सेवा भावलाई आत्मसात् गरेर मात्र हाम्रो समाज बलियो र दिगो बन्न सक्छ। केवल पर्वको रमाइलोमा सीमित नहुने, आवश्यकता पर्दा समाजप्रति सक्रिय रहनुपर्ने पाठ यही हो।

सांस्कृतिक मेलमिलाप र साझा जिम्मेवारी नै हाम्रो साँच्चिकै विजय हो।

अन्ततः, उद्धार  केवल उद्धार मात्र रहेन सबैको घर आगन सम्म पुग्नलाई एउटा अनवरत पहलमा दिनहरु बिते र दशैं केवल पर्व होइन, यो जीवनको पाठशाला हो। यसले हामीलाई सिकाउँछ कि सामाजिक उत्तरदायित्व, सहकार्य र मानवताको मूल्यलाई जीवनमा उतार्नुपर्छ।यही भावना बोकेर हामीले दशैंलाई केवल रमाइलोका लागि नभई समाज र मानवताका लागि पनि मनाउनुपर्छ।