इ) दलित नमूना वस्ती चुनबाङ

कुनै समयमा दलितहरुलाई अछूट भनी अमानवीय व्यवहारि गर्ने सामाजिक संस्कारका विरुद्धमा अग्रणी स्थानमा देखिएको गाउँ हो चुनबाङको दलित नमूना वस्ती । साविक रुकुम जिल्लाको पहिलो छुवाछूटमुक्त गाविसको रुपमा घोषित चुनबाङको दलित वस्ती नमूनाको रुपमा विकास भएसँगै अहिले दलित समुदायको रहनसहन, संस्कृति र सफा टोलको जानकारी राख्न गन्तव्यको रुपमा विकास हुन थालेको छ । वस्ती विकास, जिविकोपार्जनमा थप सुधार गर्दै पर्यटकीय पर्व्द्धन गर्ने दिशामा दलित नमूना वस्ती अग्रसर छ ।