रुकुम पूर्वकाे भूमे गाउँपालिका-८ का पूर्ण बिककाे परिवारलाई एसियन लाइफ इन्स्योरेन्सले दाबी रकम भुक्तानी गरेको छ । मृतक पूर्ण बिकको मृत्यु भएपछि उहाँले इच्छाएको ब्यक्ति, छोरा अनिल बिकलाई शनिबार घरमा पुगेर दाबी रकम प्रदान गरिएको हो ।
मृतक बिकले २०७८ सालमा बीमा गरेका थिए। उहाँले बीमा रकम दुई किस्ता मात्रै जम्मा गरेका थिए ५८ हजार २ सय २४ रुपैयाँ बचत गर्नुभएको थियो । बिककाे आजीवन बीमा रहेको एसियन लाइफ इन्स्योरेन्स, जिल्ला शाखा रुकुम पश्चिमका प्रमुख योजन रोकाले जानकारी दिनुभयो ।
राेकाकाे अनुसार मृतकका परिवारलाई ५ लाख ४८ हजार ७ सय ५ रुपैयाँ बीमा दाबी रकम भुक्तानी गरिएको हाे। उक्त दाबी रकम हस्तान्तरण कार्यक्रममा वडा नम्बर ८ की सदस्य अनिता बिक, एसियन लाइफ इन्स्योरेन्स रुकुम पश्चिम शाखा प्रमुख योजन रोका लगायत स्थानीयहरुकाे उपस्थिति रहेको थियो ।
प्रकाशित मिति : २०८१ चैत्र १६ गते शनिवार
प्रतिक्रिया दिनुहोस्